Xendazaletasuna

Bi ordu pasatxoan egin daiteke, baina gomendagarria da denbora gehiago izatea bi herrietako kultura- eta natura- ondare interesgarriaz gozatzeko. Ibilbidea, hego mendebalderantz, soroen artean jaitsiz hasten da, NA-6340 errepideraino. Zeharkatu ondoren, bidezidorrak iparralderantz biratzen du eta Bueno ibaia zeharkatzen du Lukin eta Done Jurgi baselizaren ibilbideak banatzen diren bidegurutzera iritsi aurretik. Lukineko bidea aukeratzen badugu, iparralderantz joko dugu errepidea eta ibaia berriro zeharkatzeko. Herria baino pixka bat lehenago, Donejakue bidearekin bat egiten du ibilbideak, eta 1,8 km-tan jarraitzen du. Lukin bisitatu ondoren, ibilbidearen goiko aldea zeharkatzen da, Jurramenditik gertu dauden mendi-hegaletatik, eta, azkenik, Barbarinera jaisten da. Bertara, Done Juanes Bataiatzailearen elizatik sartzen da. Ibilbidea amaitzeko, Barbaringo kaleak, bertako ondare arkitektonikoa eta Poeten plaza ezagutuko ditugu.