Xendazaletasuna

Behin sasitzaren eta larreen artean kokatutako erkameztira iristean, iparralderantz joko dugu, Aranbeltza herri basora heldu arte. Arroitz, Arellano eta Deikaztelu udalerriek elkarrekin partekatzen duten lur-eremuan egindako lehen metroak bidezidor batean zehar egin eta gero, zenbait ekosistema (arteak, erkametzak, pinuak) igarotzen dituen bide nagusira helduko gara, «Raso de Montejurra» bezala ezagututako ordokira eramango gaituena. Bertatik, Montejurra mendi ezaguneko gailurrera igo daiteke.

Itzultzeko, ordokitik bertatik ekialdera doan bide bat hartuko dugu, aurrerago bidezidor bihurtuko dena; jaitsiera jarraitu baten ondoren, igoera egiteko baliatu dugun pistan bertan amaitzen da bidezidorra. Pista horretatik jaitsiko gara herriraino.